"Haber Global": "Birliyin Gücü - 2026" birgə hərbi təlimi uğurla başa çatdı" - VİDEO

Azərbaycan, Türkiyə və Özbəkistanın iştirakı ilə "Birliyin Gücü -2026" birgə hərbi təlimi uğurla başa çatıb. Oxu.Az xəbər verir ki, "Haber Global" telekanalı bu barədə videosüjet təqdim edib.

Süjetdə bildirilir ki, Azərbaycanın ev sahİbliyi ilə "Birliyin Gücü - 2026" birgə hərbi təliminin "Yüksək Səviyyəli Müşahidəçi Günü" keçirilib. "Yüksək Səviyyəli Müşahidəçi Günü" "Qızılqaya" Təlim Mərkəzində baş tutub. Tədbirdə iştirakçı və müşahidəçi ölkələrin müdafiə nazirləri, ordularının baş qərargah rəisləri, eləcə də digər yüksəkvəzifəli qonaqlar iştirak ediblər. Təlimin planına uyğun olaraq, iştirakçı ölkələrin hərbi qulluqçuları müxtəlif döyüş ssenariləri üzrə praktiki tapşırıqları, habelə müxtəlif taktiki epizodları icra ediblər. Qeyd edilir ki, üç ölkənin əsgərləri təlimdə ən çətin tapşırıqları uğurla yerinə yetiriblər.