Pentaqon qeydi-adi UNO-nun görüntülərini yaydı - Video

ABŞ Hərb Nazirliyi saatda 800 kilometrdən çox sürətlə hərəkət edən naməlum uçan obyektin (UNO) əks olunduğu beş dəqiqəlik video yayımlayıb. Oxu.Az xəbər verir ki, video qurum tərəfindən UNO-larla bağlı arxiv məlumatlarının altıncı paketi çərçivəsində ictimaiyyətə təqdim olunub.

* Pentaqonun rəsmi saytında yadplanetlilərlə bağlı məlumatlar yerləşdirilib - FOTO * Pentaqon Aya uçan ilk astronavtlardan birinin UNO ilə bağlı ifadələrini yayıb - FOTO * Məşhur illüzionist məxfiliyi ləğv edilmiş UNO sənədlərini şərh edib Videoya əlavə edilən izahatda bildirilir ki, görüntülər 2024-cü ildə lentə alınıb. Kadrlardakı UNO "saatda 500 mil sürətlə hərəkət edən ağ rəngli, yumru kürə" kimi təsvir edilir. Çəkiliş Yaxın Şərqdə aparılıb. Kadrlarda obyektin quru və su səthinin üzərindən uçduğu görünür. Xatırladaq ki, fevral ayında ABŞ Prezidenti Donald Tramp hökumətin ehtimal olunan yerdənkənar həyat formaları və naməlum uçan obyektlərlə bağlı sənədləri dərc etməyə başlayacağını vəd etmişdi. Xatırladaq ki, Pentaqon UNO-lar barədə sənədləri ilk dəfə mayın 8-də dərc etmişdi. Sənədlərin ikinci hissəsi isə mayın 22-də işıq üzü görmüşdü.