"Bermud üçbucağı"nda batmış şəhərin izləri tapılıb - FOTO

Kuba və Haiti yaxınlığındakı "Bermud üçbucağı"nda dəniz dibinin xəritələrində batmış şəhərin mümkün izləri tapılıb. Oxu.Az-ın xəbərinə görə, bu barədə britaniyalı ufoloq Skott Uorinq "Daily Mail" nəşrinə müsahibəsində danışıb. Ekspertin sözlərinə görə, izlər dünya okeanı xəritəsinin yaradılmasına hədəflənmiş "Seabed-2030" layihəsi zamanı aşkarlanıb. Fraqmentlərdən birində Atlantik okeanı dibinin bir hissəsində qəribə kəsişən xətlər və həndəsi formalar görünüb. Skott Uorinq ehtimal edir ki, görüntü qədim sivilizasiyaya aid tikililərin qalıqlarını göstərə bilər. Kəşf edilmiş ərazi 11x5 kilometr ölçüyə malikdir və təbii şəkildə əmələ gəlmək üçün olduqca hamar görünür. Eyni zamanda, dəniz dibində süni obyektlərin mövcud olduğuna dair nəzəriyyə hələ ki rəsmi olaraq təsdiqlənməyib. Alimlər qeyd edirlər ki, xəritədəki bu cür həndəsi formalar məlumatların toplanmasının xüsusiyyətləri səbəbindən yaranmış ola bilər.
{{gallery}}