Kriminal
Beyləqanda ağır qəza: sürücü öldü
Beyləqanda baş verən qəza zamanı sürücü ölüb.
Axar.az-ın Teleqraf-a istinadən xəbərinə görə, qəza hadisəsi rayon ərazisində qeydə alınıb.
Rayon sakini, 1962-ci il təvəllüdlü Seymur Qaraca oğlu Kərimov idarə etdiyi VAZ 2107 markalı avtomobillə hərəkətdə olarkən qarşıdan gələn "Ford" markalı avtomobillə toqquşub. Nəticədə VAZ-ın sürücüsü S.Kərimov və avtomobildə olan qızı, 1996-cı il təvəllüdlü Aytən Seymur qızı Muradova müxtəlif dərəcəli bədən xəsarətləri alaraq Beyləqan Rayon Mərkəzi Xəstəxanasına çatdırılıb.
Həkimlərin səylərinə baxmayaraq, sürücü S.Kərimov xəstəxanada həyatını itirib. Onun qızı A.Muradova isə ilkin yardım göstərilib və ambulator müalicə üçün evə buraxılıb
Faktla bağlı araşdırma aparılır.
Mənbə
axar.az
