24/7 hərəkətdə olan "Jaecoo J8" artıq 19 900 km qət edib!

Azərbaycanda real şəraitdə həyata keçirilən "Limitless Drive" layihəsində 30 günlük fasiləsiz yürüş testinin 14-cü günü davam edir. 24/7 hərəkətdə olan "Jaecoo J8" artıq 19 900 kilometr məsafə qət edib. Avtomobil hamar yol səhtindən əlavə ağır şəraitdə - dağ yolları, qayalıq ərazilər, çay keçidləri, meşə yolları, palçıq və çınqıllı marşrutlar boyunca da sınağa çəkilir. Layihə çərçivəsində avtomobilin uzunmüddətli və fasiləsiz istismar şəraitində davamlılığı, performansı, yanacaq sərfiyyatı və ümumi texniki göstəriciləri real yol şəraitində sınaqdan keçirilir. Avtomobilin texniki qulluğuna da xüsusi diqqət yetirilir. 10 000 kilometr məsafə qət edildikdən sonra mühərrik yağı dəyişdirilib. Layihə zamanı avtomobildə "Granville" mühərrik yağından istifadə olunur. "Jaecoo J8"in yolla təmasını təmin edən əsas komponentlərdən biri olan təkərlər də layihənin mühüm hissəsidir. Avtomobildə "Westlake" təkərlərindən istifadə edilir və onların müxtəlif yol şəraitində performansı real istismar zamanı müşahidə olunur. Hazırda layihənin 30 000 kilometrlik hədəfinin 19 900 kilometri, yəni təxminən 65 faizi tamamlanıb. Qarşıda isə daha 10 100 kilometr məsafə var. "Limitless Drive" yalnız 30 000 kilometr məsafəni qət etmək deyil, avtomobilin fasiləsiz və uzunmüddətli istismar şəraitində real imkanlarını nümayiş etdirmək məqsədi daşıyır. Layihəni 24/7 canlı olaraq limitlessdrive.az saytı üzərindən izləmək mümkündür. 30 gün | 30 000 km | 7/24 hərəkət "Limitless Drive" davam edir.
{{gallery}}