Digər
Nigeriyada qayıq aşdı: 40 nəfər öldü
Nigeriyada qayığın çevrilməsi nəticəsində 40-a yaxın insan həyatını itirib.
Axar.az xəbər verir ki, bu barədə yerli media məlumat yayıb.
Bildirilib ki, göyərtəsində 70-dən çox insanın olduğu qayıq Sokoto ştatı ərazisində yola düşdükdən qısa müddət sonra aşıb. Sərnişinlərin əksəriyyəti 10-15 yaşlarında uşaqlar olub.
"Hazırda 40-a yaxın cəsəd tapmışıq, 6 nəfər isə xilas edilib", - deyə bildirilib.
Axtarış-xilasetmə əməliyyatı davam edir. İlkin məlumatlara görə, qayıq həddindən artıq yükləndiyi üçün aşıb.
Mənbə
axar.az
