Premyer Liqada milyardlıq BOMBA: "Liverpul"un pay bölgüsünün təfərrüatı

Əsas investoru "Amazon"un təsisçisi Ceff Bezos olan "1892 Holdings" konsorsiumu "Liverpul" klubunda 40%-ə yaxın pay əldə edib. Oxu.Az bildirir ki, bu barədə "The Athletic" nəşri mənbələrə istinadən xəbər verib. Avqustun 14-də "Liverpul"un əsas sahibi - Amerikanın "Fenway Sports Group" (FSG) şirkətinin "1892 Holdings"ə azlıq təşkil edən payın satılması barədə razılıq əldə etdiyi məlum olmuşdu. O zaman söhbətin 30%-lik səhm paketindən getdiyi bildirilirdi. "Kuinz Park Reyncers"in sabiq həmsahibi Amit Bhatiya tərəfindən idarə olunan konsorsium İngiltərə klubunun səhmlərinin təxminən 38%-ni satın alıb. Bildirilir ki, sövdələşmənin dəyəri 1,65 milyard funt sterlinq (2,23 milyard dollar - red.) təşkil edib. "Forbes"ın məlumatına görə, klubun dəyəri altı milyard dollardan çox qiymətləndirilir. Qeyd edək ki, Bezos 269 milyard dollarlıq sərvəti ilə dünyanın ən varlı şəxslərinin reytinqində üçüncü yerdədir.