Kolumbiya prezidenti Trampdan rüsumları dayandırmağı xahiş etdi - FOTO

Kolumbiya Prezidenti Abelardo de la Esprielya dağıdıcı zəlzələnin fəsadları aradan qaldırılana qədər ABŞ lideri Donald Trampdan Kolumbiya mallarına tətbiq edilən rüsumların dayandırılmasını xahiş edib. Oxu.Az xəbər verir ki, o, bu barədə "X" sosial şəbəkə hesabında yazıb. De la Esprielya bildirib ki, bunu zəlzələnin fəsadları səbəbindən çox çətin günlər keçirən yerli sahibkarların vəziyyətini bir az da olsa yüngülləşdirmək üçün xahiş edib.
Kolumbiya lideri Trampla on dəqiqə ərzində danışdığını bildirib. Tramp ona başsağlığı verib. Qeyd edək ki, iyulun sonunda ABŞ-nin bir çox Kolumbiya mallarına tətbiq etdiyi rüsumlar 10%-dən 12.5%-ə qədər artıb. Avqustun 10-da Kolumbiyada 7.4 bal gücündə zəlzələ baş verib, bu, son yüz ildə ölkədə ikinci ən güclü zəlzələ olub. Zəlzələnin episentri San-Xose-del-Palmar ərazisində yerləşib. Son məlumatlara görə, həlak olanların sayı 294 nəfərə çatıb. 320 nəfər hələ də itkin düşmüş hesab olunur. 3 935 nəfər xəsarət alıb. Təbii fəlakətdən zərər çəkən sakinlərin ümumi sayı 115 000-i keçib. Güclü yeraltı təkanlar 14 000 evi dağıdıb, daha 81 506 evə isə ziyan vurub.