Neft qiymətlərinin artımı davam edir

Avqustun 12-də səhər neft qiymətləri ABŞ və İran arasında sülh müqaviləsinin tezliklə bağlanacağına dair ehtimallardan qaynaqlanaraq ötən gün yüksəldikdən sonra orta səviyyədə artmağa davam edir. Bu barədə Oxu.Az "İnterfaks" nəşrinə istinadən xəbər verir. Məlumata görə, Londonun "ICE Futures" birjasında oktyabr ayı üçün "Brent" markalı neft füçersləri Bakı vaxtı ilə saat 9:04-də bir barel üçün 89.47 dollardan ticarət olunub ki, bu da əvvəlki ticarət bağlanışlarından 0.56 dollar (0.63%) çoxdur. Avqustun 11-də qiymət 1.19 dollar (1.4%) artaraq, bir barel üçün 88.91 dollara çatıb. Nyu-York Ticarət Birjasının (NYMEX) elektron ticarətlərində sentyabr ayı üçün WTI markalı neft füçersləri 0.58 dollar (0.7%) artaraq, bir barel üçün 83.78 dollara çatıb. Əvvəlki sessiyanın nəticələrinə əsasən, onların qiyməti 1.07 dollar (1.3%) artaraq, bir barel üçün 83.2 dollar olub.