Putin üçün ağır böhran: devriləcək
Rusiya Prezidenti Vladimir Putin 2022-ci ildə başlayan tammiqyaslı müharibənin ən ağır böhranlarından birini yaşayır.
Axar.az xəbər verir ki, bunu “Forbes” nəşrinin yazarı, tanınmış analitik Melik Kaylan deyib.
“Kreml üçün vəziyyət Ukraynanın hərbi və yanacaq infrastrukturuna müntəzəm hücumları, Krımda və digər bölgələrdə benzin çatışmazlığı, səfərbərlik problemləri və Rusiyanın öz daxilində artan narazılıqla daha da ağırlaşır. Etimadın itirilməsi despotik rejimdə legitimliyin itirilməsinə gətirib çıxarır.
Putinin hakimiyyətdən getməsi üçün saray çevrilişindən tutmuş müharibənin nəticələrinə görə məsuliyyəti bir nəfərə yükləyəcək şou məhkəməsinə qədər, bir neçə ssenari var. Mövcud tendensiya davam edərsə, Putin növbəti üç il ərzində hakimiyyətini itirə bilər”, - Kaylan bildirib.
