Cəmiyyət
Bakı–Şımkent reysi əməkdaşlıq üçün yeni imkanlar açır
Bakı–Şımkent–Bakı birbaşa aviareysinin açılması Azərbaycanla Qazaxıstan arasında turizm və iqtisadi əlaqələrin inkişafına mühüm töhfə verəcək.
Axar.az Teleqraf-a istinadla xəbər verir ki, bunu Şımkent şəhərinin Turizm, Xarici Əlaqələr və Yaradıcı Sənayelər İdarəsinin rəhbəri Beksultan Adilxanov turizm operatorları ilə görüşdə deyib.
Onun sözlərinə görə, yeni aviareys iki ölkə arasında qarşılıqlı turist axınının artmasına əlavə imkanlar yaradacaq.
B.Adilxanov bildirib ki, Şımkent Qazaxıstanın ən böyük və tarixi şəhərlərindən biridir, hazırda burada turizm infrastrukturu sürətlə inkişaf edir:
“Şəhərdə 170-ə yaxın yerləşdirmə obyekti fəaliyyət göstərir və yaxın vaxtlarda yeni beşulduzlu hotelin istifadəyə verilməsi nəzərdə tutulur”.
Mənbə
axar.az
