Şou biznes
Devid Bekhem Hollivudun "Şöhrət xiyabanı"nda şəxsi ulduza sahib olacaq
İngiltərə yığmasının sabiq kapitanı Devid Bekhemin şərəfinə Hollivudun "Şöhrət xiyabanı"nda şəxsi ulduz yerləşdiriləcək. Oxu.Az xəbər verir ki, bu barədə ABŞ-nin "Variety" nəşri məlumat yayıb. Məlumata görə, mərasim iyunun 12-də keçiriləcək. Qeyd edək ki, 51 yaşlı sabiq futbolçu karyerasını 2013-cü ildə başa vurub. O, təxminən 10 il "Mançester Yunayted"də (İngiltərə) çıxış edib. Yarımmüdafiəçi karyerası ərzində İspaniyanın "Real Madrid", Fransanın PSJ və ABŞ-nin "Los-Anceles Qalaksi" klublarında oynayıb. Bekhem İngiltərə millisinin heyətində 115 matçda meydana çıxıb və 17 qol vurub. 2025-ci ilin iyununda o, "Cəngavər" fəxri tituluna da layiq görülüb.
Mənbə
oxu.az
