Trampın siyasətindən ən böyük ziyanı bu ölkə görür - Toveri

Avropanın Ukrayna üçün daha çox iş görmək imkanları var, lakin Rusiyaya qarşı müharibəni dayandırmaq üçün hələ də kifayət qədər siyasi iradə və aydın strategiya çatmır.

Axar.az xəbər verir ki, bu sözləri keçmiş finlandiyalı deputat, hərbi kəşfiyyat rəhbəri Pekka Toveri deyib.

Onun sözlərinə görə, ABŞ Prezidenti Donald Tramp administrasiyasının yanaşması Avropa üçün ciddi xəbərdarlıq siqnalı olmalıdır.

Siyasətçi vurğulayıb ki, Trampın xarici siyasətindən ən böyük ziyanı məhz ABŞ-ın özü görür, çünki ittifaqlar etimada əsaslanır. O əlavə edib ki, əksinə, Avropa bir çoxlarının düşündüyündən daha müstəqil hərəkət etmək gücünə malikdir.

“Biz Ukraynanı dəstəkləyə bilərik, bunun üçün resurslarımız var. Bu, problem deyil”, – deyə deputat qeyd edib.

Toveri həmçinin ABŞ olmadan Avropanın müdafiəsiz qalacağı barədə fikirləri rədd edib və əlavə edib ki, NATO-nun Avropa üzv ölkələri adi silahlı qüvvələr baxımından hələ də Rusiyaya qarşı üstünlüyə malikdir. Baxmayaraq ki, kəşfiyyat, havada yanacaq doldurma və uzaqmənzilli sistemlər kimi sahələrdə müəyyən boşluqlar qalmaqdadır.