Tramp İran müharibəsində nəyə nail oldu?
ABŞ Prezidenti Donald Trampın İranla bağlı strategiyasının olmaması açıq-aydın hiss olunur.
Axar.az xəbər verir ki, bunu rusiyalı politoloq Aleksey Naumov deyib.
“Raket anbarlarının dağıdılması, öldürülən ayətullahlar və hərbi komandirlər - bütün bunlar hərbi uğurdu, amma müharibənin uğuru, yəni siyasi uğur deyil. Müharibənin məqsədi düşməni sizin siyasi şərtlərinizi qəbul etməyə məcbur etməkdir. Hörmüz boğazı açılmayıb, nüvə materialları çıxarılmayıb, raket imkanları zəiflədilsə də, məhv edilməyib və sadiq proksi qruplar şəbəkəsi toxunulmaz qalıb: Trampın öyünəcək sözün əsl mənasında heç bir şeyi yoxdur və o, kampaniyanın əsl məqsədi kimi hərbi uğurları təqdim edir. Rubio açıq şəkildə deyir: müharibənin məqsədi İranın donanmasını və hava qüvvələrini məhv etməkdir. İranın güc mənbəyi onun donanması və hava qüvvələri idimi? Xeyr, deyildi. Arzu olunan şey olmadıqda, necə deyərlər, gerçək olanı arzulanan kimi qəbul etmək lazımdır”, - o bildirib.
