Dünya
Hamburqun mərkəzində qadını canavar dişlədi - FOTO
Almaniyanın Hamburq şəhərində canavar bir qadına hücum edərək onu ağır yaralayıb. Oxu.Az xəbər verir ki, bu barədə "Bild" nəşri məlumat yayıb. Hücum Hamburqun Altona rayonunda baş verib. Yırtıcı qadına hücum edərək onun üzünü dişləyib. Qurban xəstəxanaya aparılıb. Polis heyvanı sahildə aşkar edib. Qaçmağa çalışan canavar Alster çayına atlayıb. Polis yırtıcını sudan çıxarıb və qəfəsə salıb. Daha sonra o, Hamburqun kənarına aparılıb. Qəzetdə bildirilib ki, gənc canavar sürüdən qovulmuş ola bilər və indi, çox güman ki, yeni ailə axtarır. Belə hallarda yırtıcılar tez-tez uzun məsafələrə səyahət edirlər.
{{gallery}}
{{gallery}}
Mənbə
oxu.az
