Enn Heteueyin yeni plastik əməliyyat etdirməsi iddia olunur - FOTO

Hollivud aktrisası Enn Heteueyin yeni plastik əməliyyat etdirməsi iddia olunur. Oxu.Az xəbər verir ki, bu barədə "Daily Mail" məlumat yayıb. Qeyd olunub ki, məşhur aktrisa martın 16-da Los-Ancelesdə keçirilən "Oskar" mükafatlandırma mərasimində iştirak edib. 43 yaşlı aktrisa qırmızı xalıda fotoqraflar üçün qara və güllü şleyfli donda poza verib. O, görünüşünü uzun əlcəklər, kəmər, dabanlı sandaletlər, böyük sırğalar və boyunbağı ilə tamamlayıb. Lakin internet istifadəçiləri məşhurun ​​geyiminə deyil, üzünə diqqət yetiriblər. Bəziləri Enn Heteueyin daha çox plastik əməliyyat keçirdiyini ehtimal ediblər. "Enn Heteuey üzünə nə edib və niyə?", "Enn Heteuey yeni üzünü nümayiş etdirir", - deyə internet istifadəçiləri "X"də yazıblar.