İdman
"Real Madrid" əfsanəsinin 28 illik rekordu qırıldı
"Real Madrid"in gənc istedadı Tyaqo Pitariç klubun tarixinə adını yazdırmağa nail olub. Oxu.Az xəbər verir ki, o, Çempionlar Liqasının pley-off mərhələsində "Kral Klubu"nun start heyətində meydana çıxan ən gənc ispaniyalı futbolçu statusuna sahiblənib. "Mançester Siti"yə qarşı keçirilən həlledici matçda ilk 11-likdə yer alan Tyaqonun yaşı cəmi 18 il 220 gün olub. Xatırladaq ki, bundan əvvəlki tarixi rekord əfsanəvi Raul Qonzalesə məxsus idi. O, 1996-cı ildə, 18 yaş 248 günlük olarkən Çempionlar Liqasının pley-off mərhələsi çərçivəsində "Yuventus"la qarşılaşmada start heyətində yer almışdı.
Mənbə
oxu.az
