Cəmiyyət
Mədəniyyət Nazirliyinin Aparat rəhbəri işdən çıxarılıb?
Mədəniyyət Nazirliyinin Aparat rəhbərinin işdən çıxarıldığı iddia olunur. Oxu.Az-ın əldə etdiyi məlumata görə, mədəniyyət naziri Adil Kərimli qurumun Aparat rəhbəri Mustafa Abbasbəylinin tutduğu vəzifədən azad olunması ilə bağlı əmr imzalayıb. Mədəniyyət Nazirliyinin Mətbuat xidmətindən Oxu.Az-ın sorğusuna cavab olaraq isə məlumat təkzib olunub. "Belə bir əmr yoxdur", - deyə məlumatda bildirilir. Xatırladaq ki, M.Abbasbəyli 2024-cü ildə Əmək və Əhalinin Sosial Müdafiəsi Nazirliyi (ƏƏSMN) tabeliyində Dövlət Məşğulluq Agentliyinin İdarə Heyətinin sədri vəzifəsindən azad edilərək Mədəniyyət Nazirliyinin Aparat rəhbəri vəzifəsinə təyin edilmişdi. Samir Əli Əzizə İsmayılova
Mənbə
oxu.az
