Azərbaycan iqtisadiyyatı üzrə yeni proqnozlar AÇIQLANDI

Dünya iqtisadiyyatının keçid dövrü ölkələrinin real ümumdaxili məhsul (ÜDM) artımına dair yeni proqnozlar açıqlanıb. Oxu.Az bu barədə Birləşmiş Millətlər Təşkilatının (BMT) "Dünyanın İqtisadi Vəziyyəti və Perspektivləri - 2026" hesabatına istinadən xəbər verir. Rəsmi proqnozlara əsasən, Azərbaycanda 2023-cü ildə iqtisadi artım 1.1% olub, 2024-cü ildə isə bu rəqəm 4.1%-ə yüksəlib. Sözügedən proqnozlara görə, gələcək illər üçün də müsbət dinamika gözlənilir. Məlumatda bildirilir ki, 2026-cı ildə Azərbaycan iqtisadiyyatının real ÜDM artımı 2.7% təşkil edəcək. Cari proqnozlara görə, 2027-ci ildə də iqtisadi artımın davam edəcəyi və 2.6% səviyyəsində olacağı gözlənilir. Proqnozlara görə, pandemiya dövründə - 2020-ci ildə Azərbaycan iqtisadiyyatı 4.2% azalma ilə üzləşsə də, 2021-ci ildə 5.6%, 2022-ci ildə isə 4.7% artım qeydə alınıb. Qeyd edək ki, proqnozlar BMT-nin iqtisadi modeli əsasında hazırlanıb və Azərbaycan MDB ölkələri ilə müqayisədə sabit artım tempi ilə seçilir.