Maraqlı
Sürücülərdə aqressiyanı artıran iki əsas amil: Rusiyalı psixoloqdan maraqlı açıqlama
"Sürücülər avtomobillərində özlərini təhlükəsiz hiss etdikləri üçün sükan arxasında aqressivləşirlər". Oxu.Az xəbər verir ki, bu barədə rusiyalı psixoloq Olqa Tvardovskaya Gazeta.ru-ya açıqlamasında bildirib. Onun sözlərinə görə, aqressiya insanın yaşamalı olduğu normal bir hissdir: "Avtomobil bu aqressiyadan "istifadə olunacaq" yerlərdən birinə çevrilir. Belə anlarda sürücü özünü öz kiçik evində hiss edir. Sükan arxasında olanlar heç kimin heç nəyi görmədiyini və istədiklərini edə biləcəklərini düşünürlər", - deyə psixoloq bildirib. Həkim izah edib ki, aqressiyanın digər mümkün səbəbi isə səfərdən əvvəl baş verən münaqişədir.
Mənbə
oxu.az
