Prezident icbari tibbi sığorta fondunun 2026-cı il büdcəsini TƏSDİQLƏDİ

İcbari tibbi sığorta fondunun 2026-cı il büdcəsi təsdiqlənib. Oxu.Az President.az-a istinadən xəbər verir ki, bununla bağlı Prezident İlham Əliyev müvafiq qanunu imzalayıb. Qanuna əsasən, icbari tibbi sığorta fondunun 2026-cı il büdcəsinin xərcləri 2 621 460 000 manat məbləğində təsdiq edilsin. Bu xərclərin maliyyələşmə mənbələri aşağıdakılardır: 1. icbari tibbi sığorta fondunun 2026-cı il büdcəsinin gəlirləri 1 976 000 000 manat; 2. icbari tibbi sığorta fondunun büdcəsinin əvvəlki illərdə istifadə olunmamış vəsaitindən (qalığından) 2026-cı ilin xərclərinin maliyyələşdirilməsinə yönəldilən 645 460 000 manat. Müəyyən edilir ki, 2026-cı ildə icbari tibbi sığorta fondunun gəlirləri aşağıdakı daxilolmalar hesabına formalaşır:

Sıra №-si	Gəlirlərin mənbələri	Məbləğ (manatla)
2.1.	Əhalinin dövlət büdcəsinin vəsaiti hesabına icbari tibbi sığortalanması	900 000 000
2.2.	İcbari tibbi sığorta haqları, cəmi, o cümlədən:	1 000 400 000
2.2.1.	büdcədən maliyyələşən təşkilatlar üzrə	163 875 000
2.2.2.	büdcədən maliyyələşən təşkilatlarda işləyənlər üzrə	163 875 000
2.2.3.	qeyri-büdcə sektoru üzrə, o cümlədən:	672 650 000
2.2.3.1.	sahibkarlıq fəaliyyəti ilə məşğul olan fiziki şəxslər üzrə	20 400 000
2.3.	Digər daxilolmalar, o cümlədən:	75 600 000
2.3.1.	icbari tibbi sığorta üzrə sərbəst vəsaitin idarə olunması üzrə gəlirlər	72 000 000
2.3.2.	"Tibbi sığorta haqqında" Azərbaycan Respublikası Qanununun tələblərinin pozulması ilə bağlı tətbiq olunan cərimələrdən, maliyyə sanksiyalarından və hesablanmış faizlərdən daxilolmalar	3 600 000

Müəyyən edilsin ki, icbari tibbi sığorta fondunun 2026-cı il büdcəsinin xərcləri aşağıdakı istiqamətlərdə həyata keçirilir:

Sıra №-si	Xərclərin istiqamətləri	Məbləğ (manatla)
3.1.	"İcbari Tibbi Sığorta üzrə Dövlət Agentliyi" publik hüquqi şəxsin Aparatının (filial, idarə) saxlanılma xərcləri	30 420 000
3.2.	"Tibbi Ərazi Bölmələrini İdarəetmə Birliyi" publik hüquqi şəxsin saxlanılma xərcləri, o cümlədən:	42 500 000
3.2.1.	"Tibbi Ərazi Bölmələrini İdarəetmə Birliyi" publik hüquqi şəxsin Aparatının saxlanılma xərcləri	23 500 000
3.2.2.	"İnnovasiya və Təchizat Mərkəzi" publik hüquqi şəxsin saxlanılma xərcləri	9 700 000
3.2.3.	"Tibbi Ərazi Bölmələrini İdarəetmə Birliyi" publik hüquqi şəxsin tabeliyindəki digər hüquqi şəxslərin saxlanılma xərcləri	9 300 000

3.3.	İcbari tibbi sığorta ödənişləri və dotasiya məbləği, cəmi	2 526 000 000
3.3.1.	"Tibbi Ərazi Bölmələrini İdarəetmə Birliyi" publik hüquqi şəxsin tabeliyindəki və Naxçıvan Muxtar Respublikasının ərazisindəki tibb müəssisələri üzrə icbari tibbi sığorta ödənişləri və dotasiya məbləği üzrə xərclər, o cümlədən:	1 605 000 000
3.3.1.1.	tibb müəssisələrində kadr potensialının gücləndirilməsi ilə bağlı xərclər	3 500 000
3.3.1.2.	işğaldan azad olunmuş ərazilərdə mobil hospitalların saxlanılma xərcləri	1 500 000
3.3.2.	"Tibbi Ərazi Bölmələrini İdarəetmə Birliyi" publik hüquqi şəxsin tabeliyindəki və Naxçıvan Muxtar Respublikasının ərazisindəki tibb müəssisələrinin dərman, sarğı ləvazimat və materiallarının, maddi-texniki bazasının və digər xərclərinin maliyyələşdirilməsi, o cümlədən:	471 000 000
3.3.2.1.	səhiyyə sahəsində dövlət proqramlarına və tədbirlərə ayrılan vəsait, o cümlədən:	150 000 000
3.3.2.1.1.	şəkərli diabet xəstəliyi üzrə tədbirlərilə bağlı xərclər	69 000 000
3.3.2.1.2.	xroniki böyrək çatışmazlığı mübarizə tədbirləri üzrə xərclər, o cümlədən böyrək köçürülməsi tədbirləri ilə bağlı xərclər	44 500 000
3.3.2.1.3.	vərəmlə mübarizə tədbirləri ilə bağlı xərclər	2 000 000
3.3.2.1.4.	dağınıq skleroz xəstəliyinin müalicəsi, profilaktikası və onunla mübarizə tədbirləri ilə bağlı xərclər	6 865 000
3.3.2.1.5.	ana və uşaqların sağlamlığının yaxşılaşdırılması, uşaqların icbari dispanserizasiyadan keçirilməsi tədbirləri ilə bağlı xərclər	4 000 000
3.3.2.1.6.	hemofiliya xəstəliyinə qarşı mübarizə tədbirləri ilə bağlı xərclər	17 000 000
3.3.2.1.7.	ixtioz və bullyoz epidermoliz xəstəliyinə qarşı mübarizə tədbirləri ilə bağlı xərclər	6 000 000
3.3.2.1.8.	uşaqlarda kistoz fibroz genetik xəstəliyinə qarşı mübarizə tədbirləri ilə bağlı xərclər	635 000
3.3.2.2.	dərman, sarğı ləvazimat və materiallarının alınması xərcləri	205 000 000
3.3.2.3.	tibb müəssisələri üçün ərzaq məhsullarının alınması və təminatı xərcləri	20 500 000
3.3.2.4.	tibb müəssisələri üçün zəruri tibbi avadanlıq və inventarın alınması xərcləri	31 500 000
3.3.2.5.	tibb müəssisələrində daşınmaz əmlakın əsaslı təmiri, yüngül konstruksiyalardan inşa edilən və asanlıqla quraşdırılıb- sökülə bilən tikililərin, kənd yerlərində modul tipli tibb məntəqələrinin tikintisi və quraşdırılması xərcləri	40 000 000
3.3.2.6.	xidməti və xüsusi təyinatlı nəqliyyat vasitələrinin alınması xərcləri	5 000 000
3.3.2.7.	işğaldan azad olunmuş ərazilərdə mobil hospitalların tikintisi, quraşdırılması və zəruri avadanlıqla təchizatı xərcləri	1 000 000
3.3.2.8.	icbari tibbi sığorta sisteminin rəqəmsallaşdırılması üçün tibb müəssisələrində İT infrastrukturunun qurulması ilə bağlı xərclər, o cümlədən:	18 000 000

3.3.2.8.1.	"İcbari Tibbi Sığorta üzrə Dövlət Agentliyi" publik hüquqi şəxsin məlumat mərkəzlərində informasiya təhlükəsizliyinin qorunması və elektron sistemlərin davamlı fəaliyyətinin təmin edilməsi (qeyri-maddi aktivlərin və avadanlığın alınması, quraşdırılması, sazlanması, proqram təminatı, texniki dəstək və lisenziyalar) xərcləri	17 000 000
3.3.2.8.2.	digər xərclər	1 000 000
3.3.3.	"Tibbi Ərazi Bölmələrini İdarəetmə Birliyi" publik hüquqi şəxsin tabeliyində olmayan tibb müəssisələrinə tibbi xidmətlərə görə sığorta ödənişləri	410 000 000
3.3.4.	Aptek təşkilatlarına ambulator şəraitdə istifadə olunan dərman vasitələrinə görə sığorta ödənişi	40 000 000
3.4.	Sair xərclər	5 000 000
3.5.	İcbari tibbi sığorta üzrə sərbəst vəsaitin idarə olunması üzrə xərclər	14 400 000
3.6.	Beynəlxalq Sosial Təminat Assosiasiyasına üzvlük haqqının ödənilməsi xərcləri	40 000
3.7.	Yeni növ koronavirus (COVID-19) pandemiyası ilə mübarizə tədbirlərinin bir hissəsinin maliyyələşdirilməsi xərcləri	3 000 000
3.8.	Bank xərcləri	100 000