Elməddin Ağayev: "Ermənilər kuklaların içərisinə mina qoymuşdular" - Video

44 günlük Vətən müharibəsində qələbənin əldə olunmasında mühüm rol oynayan amillərdən biri də döyüş meydanında hərəkət üçün təhlükəsiz yolların açılması, minalanmış ərazilərin zərərsizləşdirilməsi idi. Güllə yağışının altında hər an həyatını təhlükəyə atan, bir səhvin ağır nəticələrə səbəb ola biləcəyi şəraitdə fəaliyyət göstərən şəxslərdən biri də leytenant Elməddin Ağayevdir. 44 günlük Vətən müharibəsində müxtəlif istiqamətlərdə texnika ilə yol açmış, hazırda təlimatçı vəzifəsində çalışan leytenant Elməddin Ağayev Oxu.Az-a müsahibəsində həmin anları xatırlayıb. O, döyüş günlərində yaşadığı çətinliklərdən, öz peşəsinin məsuliyyətindən, ölüm təhlükəsi ilə üz-üzə gəldiyi anlardan və qələbə xəbərini eşidərkən keçirdiyi hisslərdən danışıb: "Ermənilər sürpriz minalar hazırlamışdılar. Soyuducunun, rəflərin, hətta kuklaların içərinə mina qoymuşdular". Elməddin Ağayev, həmçinin basdırılmış minaların bu gün də insan həyatı üçün təhlükə yaratdığını qeyd edib. Vətəndaşların diqqət etməli olduqları məqamlara toxunub. Müsahibəni təqdim edirik: