Bakıda beş marşrut avtobusunun yolu dəyişdirildi

Bakıda 120, 120E və 121E nömrəli müntəzəm avtobus marşrutlarının hərəkət sxemləri müvəqqəti dəyişdirilib. Oxu.Az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb. Bildirilib ki, Hövsan qəsəbəsinin 8 Noyabr küçəsində aparılan təmir işləri ilə əlaqədar nəqliyyat vasitələrinin hərəkətinə məhdudiyyət qoyulub. Bununla əlaqədar aşağıdakı marşrutların hərəkət sxemlərinə müvəqqəti dəyişiklik edilib: - 120 nömrəli marşrut: Elman Qasımov küçəsi (Hövsan qəsəbəsi) - Səməd Vurğun parkı; - 120E nömrəli marşrut: Hövsan yaşayış kompleksi (MİDA) - Səməd Vurğun parkı; - 121E nömrəli marşrut: Elman Qasımov küçəsi (Hövsan qəsəbəsi) - "Əhmədli" metrostansiyası. 11:20 Bakının Binəqədi qəsəbəsinin Cəfər Cabbarlı küçəsində aparılan təmir işləri ilə əlaqədar nəqliyyat vasitələrinin hərəkətinə məhdudiyyət tətbiq olunub. Oxu.Az xəbər verir ki, bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) məlumat yayıb. Bildirilib ki, məhdudiyyət səbəbindən 133 və 170 nömrəli müntəzəm marşrutların hərəkət sxemləri dəyişdirilib. Təmir işləri yekunlaşanadək 133 nömrəli marşrutun son dayanacağı Gülməmməd Ramazanov küçəsində təyin edilib. 170 nömrəli marşrutun hərəkəti isə Binəqədi qəsəbəsinin Fəhlə küçəsi ilə təmin olunur.