Tokayev Trampa Qazaxıstana səfər dəvətini təsdiqlədi

Qazaxıstan Prezidenti Qasım-Jomart Tokayev ABŞ Prezidenti Donald Trampa Qazaxıstana səfər etmək dəvətini təsdiqləyib.

Axar.az “Akorda”ya istinadla xəbər verir ki, Tramp BRİKS Sammiti çərçivəsində ABŞ Prezidentinin Cənubi və Mərkəzi Asiya üzrə xüsusi elçisi Serxio Qor ilə görüşüb.

Söhbətin əvvəlində Serxio Qor Donald Trampın Qazaxıstanın müstəqilliyinin 35-ci ildönümü ərəfəsində təbriklərini əks etdirən məktubunu Qasım-Jomart Tokayevə çatdırıb.

Tokayev genişləndirilmiş Qazaxıstan-ABŞ strateji tərəfdaşlığının dinamik inkişaf etdiyini qeyd edərək, qarşılıqlı fəaliyyətin daha da möhkəmləndirilməsinin xüsusi əhəmiyyətini vurğulayıb:

“Hazırda Mayamidə keçiriləcək G20 Sammitində iştiraka hazırlaşıram. Düşünürəm ki, bu, ikitərəfli gündəliyin məsələlərini müzakirə etmək üçün də yaxşı fürsət olacaq. Biz gözəl sözlərə deyil, qarşılıqlı əməkdaşlığımızı inkişaf etdirmək üçün konkret işlərə və praktiki addımlara üstünlük veririk”.