"Şimal Axını"nı Ukrayna partlatmayıb - Zelenski

Ukrayna heç vaxt rəsmi olaraq “Şimal Axını 2” boru kəmərinin partladılması ilə bağlı əməliyyatlarda iştirak etməyib, əməliyyatın planlaşdırılması və ya icrası ilə heç bir əlaqəsi olmayıb. İstintaq davam edir, ittihamlarla bağlı şahidlər, eləcə də Ukrayna vətəndaşlarının iştirakı ilə istintaq hərəkətləri aparılır.

Axar.az xəbər verir ki, bunu Ukrayna Prezidenti Vladimir Zelenski deyib.

Prezident qeyd edib ki, Ukrayna hakimiyyəti Almaniya tərəfi ilə əlaqə saxlayır və istintaqda avropalı tərəfdaşları ilə əməkdaşlığa hazırdır. O əlavə edib ki, Baş Prokurorluq və Ukrayna Xarici İşlər Nazirliyi artıq müvafiq işlərdə iştirak edir.

Qeyd edə ki, "Şimal Axını 2" qaz kəməri 2022-ci ilin sentyabr ayında Baltik dənizinin dibində baş verən güclü partlayışlar nəticəsində zədələnib. Təxribat nəticəsində kəmərin dörd qolundan üçü sıradan çıxıb və külli miqdarda qaz sızması qeydə alınıb.