Dünya
Kolumbiyada baş verən zəlzələdə ölənlərin sayı artmaqda davam edir
Avqustun 10-da Kolumbiyada qeydə alınan 7.4 bal gücündə zəlzələ nəticəsində azı 281 nəfər həyatını itirib. Oxu.Az xəbər verir ki, bu barədə "Blu Radio" radiostansiyası məlumat yayıb. Zəlzələdən zərər çəkmiş Kolumbiya şəhərlərində 3 971 nəfər xəsarət alıb, daha 379 nəfər isə itkin düşmüş hesab olunur. Ən çox ölüm halı Kali şəhərində qeydə alınıb, burada artıq 96 nəfərin öldüyü təsdiqlənib. Xatırladaq ki, 7.4 maqnitudalı yeraltı təkanlar avqustun 10-da Kolumbiyanın qərbindəki Çoko departamentinin San-Xose-del-Palmar şəhəri yaxınlığında baş verib. Bundan əvvəl təbii fəlakət nəticəsində 273 nəfərin öldüyü bildirilirdi.
Mənbə
oxu.az
