Rusiya PUA-ları niyə Avropa ölkələrinə göndərir? - General

Rusiya hibrid hücumlarla NATO-nun müdafiə qabiliyyətini sınaqdan keçirir.

Axar.az xəbər verir ki, bu sözləri almaniyalı general Karsten Breuer bildirib.

O söyləyib ki, Kreml daha genişmiqyaslı müharibəyə hazırlaşır və eyni zamanda Ukraynada hərbi əməliyyatları davam etdirir.

Almaniyanın yüksək rütbəli hərbi rəsmisinin sözlərinə görə, Rusiya Avropadakı hava hücumundan müdafiə sistemlərini araşdırmaq və onların zəif nöqtələrini müəyyənləşdirmək üçün sistematik şəkildə pilotsuz uçuş aparatlarından istifadə edir. Bu, onun Avropa hökumətlərini və institutlarını sabitsizləşdirməyə yönəlmiş “boz zona” kampaniyasının gücləndiyini bildirdiyi bir vaxtda baş verir.

“NATO ölkələrində, xüsusilə alyansın şərq cinahında hibrid hücumlar hər gün baş verir. Rusiya bizi sınaqdan keçirir və reaksiyamızı müşahidə edir. Moskva bunu gələcək münaqişə üçün taktikasını təkmilləşdirmək məqsədilə edir.

Rusiya Ukraynada müharibə aparmasına baxmayaraq, artıq iqtisadiyyatını və silahlı qüvvələrini Qərblə daha genişmiqyaslı münaqişəyə hazırlamaq üçün yenidən qurur”, - o qeyd edib.