Dünya
Əraqçı xarici qüvvələri İrana yaxın əraziləri tərk etməyə çağırdı
"Bədbəxt hadisələrin qarşısını almaq üçün İran ərazisinin yaxınlığında olan bütün xarici qüvvələr bu zonaları tərk etməlidirlər". Oxu.Az xəbər verir ki, bu barədə İranın xarici işlər naziri Abbas Əraqçı "X" sosial şəbəkəsində yazıb. "Ərazimizin yaxınlığında yerləşən xarici qüvvələr özlərinin insani səhvləri, qəzalar və çarpaz atəşə tutulma potensialı ucbatından daim risk altındadırlar", - deyə o bildirib. Əraqçının sözlərinə görə, hadisə riskini azaltmaq üçün onlar üçün ən yaxşı həll yolu bu zonanı tərk etmək olar. "Biz diplomatiya dilinə üstünlük veririk, lakin digər dillərdə də danışmağa hazırıq", - deyə Əraqçı vurğulayıb.
Mənbə
oxu.az
