İdman
"Sabah" hücumçusu Pavol Şafranko ilə yollarını ayırıb
"Sabah" komandası hücumçusu Pavol Şafranko ilə yollarını ayırıb. Oxu.Az xəbər verir ki, bu barədə klub məlumat yayıb. Bildirilib ki, slovakiyalı futbolçu ilə mövsümün sonunda başa çatan müqavilənin müddəti yenilənməyib. Pavol 2024-cü ildən "bayquşlar"ın uğurları üçün çalışırdı. O, "Sabah"ın heyətində keçirdiyi 55 oyunda 18 qol vurub, 3 məhsuldar ötürmə edib. Təcrübəli hücumçu "Sabah"la bir dəfə Azərbaycan çempionu, iki dəfə isə ölkə kubokunun qalibi olub.
Mənbə
oxu.az
