Digər
Mahmud Abbasın oğluna FƏTH-də vəzifə verildi
Bazar günü Fələstin hərəkatının illər sonra baş tutan qurultayının ilkin nəticələri açıqlanıb. Məlum olub ki, Fələstin Prezidenti Mahmud Abbasın oğlu Yasir Abbasa FƏTH-in Mərkəzi Komitəsində yer verilib.
Axar.az xəbər verir ki, bu barədə AFP məlumat yayıb.
Məlumata görə, FƏTH-in həbsdə olan lideri Mərvan Bərquti ilkin nəticələrdə ən çox səs toplayaraq, yerini qoruyub saxlayıb.
2017-ci ildən bəri komitənin baş katibi olan Cibril Racub da öz vəzifəsində qalıb.
Fələstin vitse-prezidenti Hüseyn əş-Şeyx, FƏTH liderinin müavini Mahmud əl-Əlul və Fələstin kəşfiyyatının keçmiş rəhbəri Taufiq Tiravi də Mərkəzi Komitədə yer alıblar.
Mənbə
axar.az
