Macarıstanda seçkilər: Rekord göstərici qeydə alındı

Macarıstanda seçki məntəqələrinin bağlanmasına iki saat qalmış - yerli vaxtla saat 17:00-da seçici fəallığı 74,23%-ə çatıb.

Axar.az xəbər verir ki, bu barədə BBC məlumat yayıb.

Bildirilib ki, bu, rekord göstəricidir. Belə ki, 2022-ci ildə keçirilən son seçkilərdə seçici fəallığı 62,92% təşkil edib. Builki seçici fəallığı artıq 2002-ci ildə qeydə alınan əvvəlki 73,51%-lik rekordu keçib.

Analitiklər seçki məntəqələri bağlanana qədər seçici fəallığının 80%-ə çata biləcəyini proqnozlaşdırırlar.

Əsas namizədlər olan “Fides” və “Tisa” partiyalarının liderləri Viktor Orban və Peter Magyar seçiciləri saat 19:00-dan əvvəl seçki məntəqələrinə getməyə çağırıblar.

Qeyd edək ki, bu seçkilər Macarıstan üçün çox əhəmiyyətlidir. Çünki Orbandan fərqli olaraq, Magyar Ukraynaya yardım və AB ilə həmrəylik strategiyasını seçəcək.