Rusiya Dnestryanıdan hücuma keçə bilər? - Ekspert

Rusiyanın Dnestryanı istiqamətindən Vinnitsa bölgəsində "bufer zonası" yarada bilməsi ehtimalı azdır.

Axar.az xəbər verir ki, bu barədə ukraynalı hərbi ekspert Sergey Qrabski deyib.

O qeyd edib ki, həmin ərazidəki hərbi kontingent belə bir əməliyyat aparmaq üçün olduqca azdır:

"Bufer zonası" yaratmaq üçün qoşunlara ehtiyac var. Mənə deyin, Dnestryanıda hansı qoşunlar yerləşdirilib? Müxtəlif hesablamalara görə, Dnestryanı ərazisindəki faktiki qoşunların ümumi sayı 1500 ilə 3000 arasında dəyişir.

Hansı “bufer zonası”ndan danışırıq? Bundan əlavə, belə bir əməliyyat aparmaq üçün Ukrayna Müdafiə Qüvvələrinin bölmələri ilə döyüşmək gərəkdir. Bu, Dnestryanıda onsuz da çatışmayan maddi resursların xərclənməsini tələb edəcək. Onların belə bir “bufer zonası” yaratmaq üçün nə gücü, nə də potensialı var. Müharibəmizin son 12 ilində Dnestryanıya heç bir bölmə yerləşdirilməyib”.