Norveç 2040-cı ildə tamamilə elektrik təyyarələrdən istifadə edəcək
Norveçin hakimiyyət orqanları ölkənin bütün hava daşımalarını elektrik təyyarələrində həyata keçirməyi planlaşdırırlar.
“Report”un məlumatına görə, bu barədə “İzvestiya.ru” Sloveniyanın aviasiya istehsalçısı “Pipistrel”ə istinadən xəbər verib.
Bildirilir ki, şirkət iyunun 18-də Oslo aeroportunda iki nəfərlik “Alpha Electro” təyyarəsinin ilk sınağını keçirib. Hava maşınını “Avinor” şirkətinin rəhbəri Daq Falk Pedersen idarə edib. O, Norveçin mülki aeroportlarının əksəriyyətinin operatorudur. Təyyarənin sərnişini isə Norveçin nəqliyyat naziri Ketil Solvik-Olsen olub.
Elektrik təyyarə 50 kilovatlıq gücə malik mühərriklə və 21 kilovat-satlıq batareya ilə təchiz olunub. Bu, 1 saatlıq uçuş üçün kifayətdir.
Rəylər
