Əfqanıstan mineral ehtiyatlarını ABŞ-a təklif etdi

Əfqanıstan sanksiyaları aradan qaldırmaq və aktivlərin dondurulmasını aradan qaldırmaq üçün ABŞ-a mineral ehtiyatlara çıxış təklif edir.

Axar.az xəbər verir ki, bunu Əfqanıstanın xarici işlər naziri Əmir Xan Müttəqi deyib.

Vaşinqtonla münasibətlər barədə suala cavab verən Muttəqi bildirib ki, Əfqanıstan faydalı qazıntıların hasilatı, infrastruktur, kənd təsərrüfatı və ticarət kimi sahələrə ABŞ investisiyalarını alqışlayır:

“Əfqanıstanla ABŞ arasındakı münasibətlər son 20 illik müharibə prizmasından deyil, gələcək əməkdaşlıq əsasında qiymətləndirilməlidir. Ölkənin iqtisadi siyasəti açıqdır”.

Qeyd edək ki, Əfqanıstanın təxminən 1 trilyon dollar dəyərində mineral ehtiyatları var. Onların arasında mis, dəmir filizi, niobium, kobalt, qızıl və litium yataqları var.