Ələt qəsəbəsində yerləşən duzlu göl - FOTOREPORTAJ

Bakının Qaradağ rayonunda yerləşən Ələt qəsəbəsi Xəzər dənizi sahilində, özünəməxsus təbii landşaftı ilə seçilən ərazilərdən biridir. Oxu.Az Photostock.Az-a istinadla xəbər verir ki, qəsəbənin ətrafında duzlu və şor sulu kiçik su hövzələrinə də rast gəlinir. Duzlu göllər əsasən yağıntının az, buxarlanmanın isə yüksək olduğu ərazilərdə formalaşır. Suyun tərkibində duzların toplanması nəticəsində belə göllərin sahillərində ağ duz qatları yaranır. Abşeron və Qobustan ərazisində bu tip su hövzələrinin geniş yayılması regionun iqlim və coğrafi xüsusiyyətləri ilə əlaqələndirilir. Ələt ətrafındakı duzlu landşaft Xəzərsahili düzənliyin təbii görünüşünü tamamlayır. Suyun, duz qatlarının və quraq ərazinin yaratdığı mənzərə xüsusilə günəşli havalarda fərqli görüntü yaradır. Ələt qəsəbəsindəki duzlu göldən fotoreportajı təqdim edirik:
{{gallery}} Daha çox foto burada: PhotoStock.az