Sumqayıt bulvarında BMW park edilmiş üç maşına çırpılıb aşdı - FOTO - VİDEO

Sumqayıtda baş verən yol-nəqliyyat hadisəsi ilə bağlı bəzi detallar məlum olub. Oxu.Az xəbər verir ki, BMW markalı avtomobil əvvəlcə "Opel"ə və "Toyota"ya, daha sonra isə KIA markalı maşına çırpılıb və aşıb. Hadisə zamanı BMW-də üç nəfər olub. Digər avtomobillər isə park edilibmiş. Məlumata görə, BMW markalı maşının sürücüsü xəsarət alaraq, yaxınlıqdakı xəstəxanaya yerləşdirilib. 08:16 Sumqayıt şəhərində yol-nəqliyyat hadisəsi baş verib. Oxu.Az xəbər verir ki, bununla bağlı videogörüntü yayımlanıb.

Hadisə bu gün səhər saatlarında Sumqayıt bulvarında qeydə alınıb. Belə ki, sürücünün idarəetməni itirməsi nəticəsində BMW markalı avtomobil aşıb. Maşına ciddi maddi ziyan dəyib. Qeyd edək ki, hadisənin baş verdiyi yolda sürət həddi 40 km/saat təşkil edir. Qəzanın hansı səbəbdən baş verdiyi hələlik məlum deyil.