Cəmiyyət
"KATV1"də internet kəsintisi yaranıb? - Sakinlərdən ŞİKAYƏT
Bakı şəhərində kabel televiziyası və internet xidmətləri təklif edən "KATV1"də ("AG Telekom" MMC) ötən gün axşam saatlarından internetin olmaması abunəçilərin narazılığına səbəb olub. Bu barədə Oxu.Az-ın qaynar xəttinə müraciət daxil olub. Qeyd olunub ki, gecə saatlarından Binəqədi rayonunun 6-cı mikrorayon ərazisində internet təminatı kəsilib və bu gün də bərpa olunmayıb. "Aylıq 25 manat pul ödəyirik, amma normal xidmət ala bilmirik - ya sürət vəd olunandan aşağı olur, ya da hansısa səbəbdən tez-tez internet kəsilir. Bu barədə vətəndaşa xəbərdarlıq edilmir", - deyə şikayətdə bildirilir. Problemlə bağlı KATV1-lə əlaqə saxlamağa çalışsaq da, sorğumuza cavab verən olmayıb.
Mənbə
oxu.az
